Getariako Txakolina

Getariako Txakolina Jatorri Deituraren bilakaera

XIV. mendean, Gipuzkoako Ermandadearen Batzar Nagusiaren ondoren idatzitako Probintziako lehen Ordenantzetan mahatsondoaren landaketa aipatzen da. Bertan, “mahastiak suntsitzen dituenari heriotza-zigorrarekin” mehatxatzen da. Itxura guztien arabera, Gipuzkoako kostaldean mahasti handiak ziren nagusi, eta, kopuru txikiagoan bada ere, barnealdean ere ikus zitezkeen.

XIX. mendean, Gipuzkoako txakolinaren eremua Oria ibaiaren itsasadarretik hedatzen da. Txakolin mahastiak Zarautzen, Getarian, Zumaian, Deban eta Mutrikun banatzen dira eta gutxi gorabehera, 400.000 litro txakolin ekoizten dira eta 250 hektarea mahasti daude.

XX. mendearen amaieran txakolin-mahastia biziberritzeko prozesua hasi zen, eta 1989an Getariako Txakolina Jatorri Deitura onartu zen. rduan, 52 hektarea mahasti geratzen ziren kostaldean, Zarautz, Aia eta Getaria artean banatuta. 1990ean, Getariako Txakolina Jatorri Deituraren lehen uzta aurkeztu zen prezintoarekin.

2007an Getariako Txakolina Jatorri Deitura Gipuzkoako lurralde historiko osora zabaldu zen. Une horretan 327 hektarea mahasti daude eta Getariako Txakolina JDko 18 upategirentzako txakolina ekoizten dute.

Ordutik 2021eko uztara arte, Jatorri Deiturari 18 upategi gehiago gehitu zaizkio. Guztira 36 upategi dira Getariako Txakolina egiten duten upategiak, 443 hektareetatik abiatuta.

Getarian duen egoitzatik, Jatorri Deituraren Kontseilu Arautzaileak bertako mahatsen jatorria, Hondarrabi Zuri eta Hondarrabi Beltza, eta horien elaborazio eta kalitate-kontrol zainduak, bat egin dezaten zaintzen du, kontsumitzaileari Getariako Txakolinaren bermea eskaintzeko.

Getariako Txakolina Jatorri Deituraduen txakolina, botilaren goiko aldean kapsularen gainetik jartzen den zenbakidun prezintoagatik bereizten da.

Mahasti hektareak/Upategiak. Bilakaera

Gure Getariako Txakolin tradizionala egiteko erabiltzen diren bertako Hondarrabi Zuri eta Hondarrabi Beltza barietateen mahasti azalera 443 hektareakoa da. Gipuzkoan zehar banatuak: Getaria (% 45), Aia (% 15), Zarautz (% 12), Zumaia (% 4,5), Oñati (% 3,5) eta Hondarribi (% 3,5).

Gainerako % 16,5 honela banatzen da: Aizarnazabal, Alkiza, Arrasate, Azpeitia, Beizama, Deba, Donostia, Hernialde, Mutriku, Oiartzun, Olaberria, Orio, Urnieta, Usurbil, Villabona, Zerain, Zestoa.

Ekoizpenak

Uzta-urtea Litroak guztira Litroak Zuria Litroak Gorria Litroak Beltza Mahats-biltze Berantiarra
2010 1.740.676 1.732.872 6.104 700 1.000
2011 2.284.030 2.251.930 31.400 700 0
2012 2.268.710 2.188.798 74.527 3.385 2.000
2013 1.031.333 972.918 48.650 9.765 0
2014 2.433.695 2.323.075 97.000 10.650 2.970
2015 2.563.519 2.423.427 136.610 3.482 0
2016 2.914.854 2.722.324 191.030 1.500 0
2017 2.582.446 2.389.513 192.301 632 2.000
2018 2.354.536 2.122.673 220.638 11.225 0
2019 2.337.326 2.089.120 236.256 11.950 0
2020 3.002.298 2.729.234 256.178 12.486 4.400
2021 2.699.344 2.461.866 230.638 6.540 300

Komertzializazioa

Getariako txakolinaren merkatu nagusia Gipuzkoakoa eta Euskadikoa da, % 70arekin. Produkzioaren % 10 batez ere Madrilen eta Bartzelonan kontzentratzen da, eta gainerako % 20a esportatu egiten da.

Esportazioaren bilakaera azken 15 urteetan

Esportazio datuei dagokienez, Getariako Txakolinaren % 20 kanpoko merkatuetara bideratzen da. AEB (% 60), Frantzia (% 7) Erresuma Batua eta Norvegia (% 5), Japonia (% 4,5) eta Suedia (% 4) nabarmentzen dira esportazioaren herrialde nagusi gisa. Gainerako % 14,5a nazioarteko beste merkatu batzuetan saltzen da.

«Getariako Txakolina Jatorri Deitura duen txakolina, duen kalitateagatik eta benetako izaeragatik, nazioarteko merkatuan produktu berezi bezala kokatzen ari da, gourmet motako produktu gisa».

Esportazioa herrialdeka

Esportazioa guztira

GETARIAKO TXAKOLINA jatorrizko deituraren kontseilu arautzailearen bulegoa kontaktatu

Parque Aldamar, 4 bajo.
20808 Getaria, Gipuzkoa. (País Vasco)
Tel.: 943 14 03 83
Fax: 943 89 60 30