Txakolin Egunak bueltan dira: hurrengo geldialdiak
Ekainaren 18an, larunbata, Getariako Txakolina Jatorri Deiturarentzat hirugarren hitzordu garrantzitsua izango dugu, Txakolin Egunak. Azpeitian izango da eta 11 upategik hartuko dute parte.
Bi urtez gure Txakolin Egunak ospatu gabe egon ondoren, Gastronomiaren jai herrikoi bihurtu dena ospatzeko gogo biziz gatoz berriro. Bertan, gure txakolina dastatzen da bertako produktuekin batera.
Txakolin Egunak txakolin tradizioa duten hainbat herritan ospatzen dira.
Azpeitian ospatuko dugun txakolin egunean 11 upategik hartuko dute parte eta 700 bat txakolin botila eskainiko dituzte dastatzeko:
AGERRE/ AITAREN/ AKARREGI TXIKI/ BLAI/ FLYSCH/ HIKA/ MOKOROA/ SAGARMIÑA/ TXOMIN ETXANIZ/ ULACIA/ URKIZAHAR
12:30etik 14:30era.
5 tiket + kopa 1 = 5€
Txakolina dastatzeaz gain, bertako gaztaz eta Eusko Labeldun oilasko pintxoez gozatzeko aukera izango dute bertaratzen direnek.
Triki Bertso emanaldiak girotuko du dastaketa.
Asko gozatzea espero dugun itzulera!
Hona hemen orain arte baieztatutako hurrengo hitzorduak:
Oraingoz, baieztatutako azken hitzordua ekainaren 25ean, larunbata, Donostian egingo den Txakolin Topaketa da. Bertan, Getariako Txakolina JDko upategitako txakolinak dastatu ahal izango dira.
