Getariako Txakolinaren dastaketa - uztarketa Itsas Etxea Kofradian

Getariako Txakolina – Atun Gorriaren arteko uztarketa: esperientzia bikaina Itsas Etxea Kofradian

Pasa den astean Itsas Etxea Kofradian ekitaldi bikainaz gozatu ahal izan genuen: atun gorria – Getariako Txakolina J.D-ren arteko ezkontza, Mikel Garaizabal enologoak zuzendutako tailer-uztarketa  Aitzol Zugastiren proposamen gastronomikoarekin. Bai, itxura ona du…eta dastatuta oraindik eta hobea!

Joan den ostegunean, irailaren 24an, Getariako Txakolina J.D-ko txakolinekin tailer-uztarketa bat egin zen Kofradia Itsas Etxea de Donostia  “Atun Gorria eta Getariako Txakolina J.D-ren arteko Ezkontza.” izenburupean aurkeztutako ekitaldiak frogatu zuen bertako bi produktuk, Kantauriko atun gorriak eta Getariako Txakolinak ezkontza perfektua osatzen dutela.

Tailerrean Getariako 4 txakolin dastatu ziren Kantauriko atun gorriarekin prestatutako 4 pintxorekin batera. Ekitaldi honetarako aukeratuak izan ziren 4 txakolinak upategi hauenak izan ziren: Akarregi Txiki, Gañeta, Sagarmiña eta Txomin Etxaniz.

Uztarketa: 4 pintxo Getariako 4 txakolinentzat

Lau txakolin horiei laguntzeko Aitzol Zugastik egindako proposamena Kantauriko atun gorriz egindako 4 pintxo izan ziren:

- Atun mini ramen
- Atuna adoboan, patatekin eta mojoarekin
- Atun keztatu samarra tomatearekin eta albakarekin
- Atun-tartarra

Haragi zaporetsua eta kolore bizikoa, Kantauriko atun gorria txikiagoa izateaz gain, hegalik laburrena ere badu. Ezaugarri honegatik  "Hegamotza" bezala ezagutzen da.

Mikel Garaizabal enologoak bere argibideekin zentzua eman zion uztarketari eta Kantauriko bi produktuen ñabardurak, zaporeak eta lurrinak ezagutzera lagundu eta gidatu zituen parte-hartzaileak.

Ekitaldia egin zen lekuaren kokaguneak, Donostiako portuko Itsas Etxea Kofradia, berreskuratutako kokagune bat, esperientzia borobila izatea lortu zuen gure produktuak ezagutzeko. Esperientzia bikaina, laster errepikatzea espero duguna!

 

Dastaketa uztarketa Getariako Txakolina Itsas Etxea Kofradia

GETARIAKO TXAKOLINA jatorrizko deituraren kontseilu arautzailearen bulegoa kontaktatu

Parque Aldamar, 4 bajo.
20808 Getaria, Gipuzkoa. (País Vasco)
Tel.: 943 14 03 83
Fax: 943 89 60 30